Используются технологии uCoz
Проект: Hamra-amraq.narod.ru
ئاسسالامۇ ئالەيكۇم ېزىز مەھمان ھىەمرا-ئامراق تورغا خۇش كەلدىڭىز
Welcome to my page


 

Источник материала тут:*(c)Мәнбә

Ürümchidiki Aly Mektepler (Yolligan A.Chintash ependi)

 

Shinjang Uniwérsitétliri:

 

Shinjang Tébbiy Uniwérsitétini Qisqiche Tonushturush

Shinjang Tébbiy Uniwérsitéti 1998-yili 9-ayning 10-küni qurulghan. Bu mektepning asasi bolghan Shinjang tébbiy Instituti 1954-yili qurulup, 1956-yili oqughuchi qobul qilishni bashlighan, Sabiq Sowét Ittipaqi Junggoning 1-besh yilliq qurulushigha yardem qilghan 156 nuqtiliq qurulushning biri hésablinidu. Uniwérsitét bolup qurulghanda mu mektep terkibige qoshulghan Shinjang Junggo Tébabetchiliki Institutining asasi bolghan Junggo Tébabetchiliki Téxnikomi 1986-yili Institut bolup qurulghan. Mektepning omumiy yer kölimi 166.4 géktar, qurulush kölimi 700 ming kuwadratmétir.

Mektepte Junggo Tébabetchiliki Instituti, Asas Tébbiy penler Instituti, Klinikiliq Dawalash 1-Instituti,  2-Instituti, 3-Instituti, 4-Instituti, 5-Instituti, Chonglar Maaripi Instituti, Ammiwiy Sahiye Instituti, Dorigerlik Instituti, Sistéralar Instituti, Tébbiy Téxnika Qurulush Instituti, Xelq’ara Tébbiy Maarip Instituti, Aspirantlar Instituti, Til Instituti qatarliq 17 Institut, Ijtimaiy penler bölümi, Tenterbiye bölümi, 4 fakultét (Junggo Tébabetchiliki Fakultéti, Éghiz Boshluqi Késellikliri Ilmi Fakultétin Junggoche Quruq Yingne Bilen Dawalash, Söngek zexmisini dawalash Fakultéti, Junggoche Dorigerlik fakultéti), Mektepke qarashliq 5 dawalsh orgini tesis qilin’ghan

Doktor aspirantlarni terbiyilesh nuqtisidin 3i, magistér aspirantlarni terbiyilesh nuqtisidin 35i bar.

Merkiziy mektep rayonining oqutquchi, xizmetchiler sani 6225 neper, kespiy téxnika xadimliri 4617 neper, buning ichide aliy derijilik kespiy téxnika unwani barlar 947 neper. Doktor aspirantlar yétekchi oqutquchiliri 35 neper, magistér aspirantlar yétekchi oqutquchiliri 335 neper.

Bu mektep Amérika, Fransiye, Yaponiye, Rusiye, Pakistan, Qazaqistan qatarliq 17 dölet hemde dölet ichidiki 20 nechche aliy mektep yaki tetqiqat orni bilen hemkarliq munasiwiti ornatqan. Kutupxanisining kölimi 5452 kuwadratmétir bolup, saqlan’ghan kitab sani 400 ming parchidin artuq.
 

 
 
 
 
 
 
 
 
  

Resimlerning chüshendürüshi:

A.      1-Oqutush: Shinjang uniwérsitéti Merkiziy Oqutush Rayoni 1-oqutush binasi

B.      Fizika: Shinjang Uniwérsitéti Merkiziy Oqutush Rayoni Fizika Fakultéti, Éléktron-Uchur Ilmi Instituti oqutush binasi

C.      Bulaqkol Like: Shinjang Uniwérsitéti Merkiziy Oqutush Rayonidiki «Bulaqköl» menzirisi

D.     XJ Univ01: Shinjang Uniwérsitéti Jenubiy Oqutush Rayoni merkiziy oqutush binasi

E.      XJ Univ02: Shinjang Uniwérsitéti Merkiziy Oqutush Rayonidin körünüsh
***
 

Shinjang Uniwérsitétini Qisqiche Tonushturush

 

Shinjang Uniwérsitéti Ürümchi Shehirining jenubigha jaylashqan, merkiziy mektep rayoni, shimaliy mektep rayoni, jenubiy mektep rayonidin ibaret 3 rayondin terkib tapqan. Igligen yer kölimi 3524 mo (texminen 235 géktar), qurulush kölimi 800 ming kuwadrat métir kélidu. Bu mektepning asasi bolghan Shinjang Rusche Siyasiy Qanun Mektipi 1924-yili qurulghan, 1935-yili Shinjang Institutigha özgertilgen. 1960-yili Shinjang Uniwérsitéti bolup resmiy qurulghan, 1978-yili dölet teripidin Shinjangdiki birdinbir memliketlik nuqtiliq aliy mektep qilip békitilgen.

Shinjang Uniwérsitétida: Aspirantlar Instituti, Flologiye Instituti, Axbarat-Tarqitish Instituti, Chet El Tilliri Instituti, Qanunshunasliq Instituti, Iqtisad We Bashqurush Ilmi Instituti, Matématika We Sistéma Ilmi Instituti, Ximiye Pen-téxnikisi Instituti, Hayatliq Pen-Téxnikisi Instituti, Bayliq- Muhit Ilmi Instituti, Uchur Pen-Téxnikisi Instituti, Binakarliq Qurulush Instituti, Mashinisazliq Téxnikisi Instituti, Éléktir Téxnikisi Instituti, Sayahet Instituti, Güzel Sen’et Layihilesh Instituti, Aliy Kespiy Téxnika Instituti, Yumshaq Matériyal Instituti (kompyutér programmiliri lahiyihilesh), Pen-Téxnika Instituti (musteqil Institut), Chonglar Maaripi Instituti qatarliq 19 Institut, Fizika Fakultétidin ibaret bir biwasite qarashliq fakultét, Teyyarliq Oqutush Bölümi, Ijtimaiy Penler Oqutush Bölümi, Tenterbiye Oqutush Bölümi qatarliq üch oqutush bölümi, bir shöbe ottura mektep bar. Zamaniwiy Oqutush Téxnika Merkizi, Fizika-Ximiyilik Ölchesh-Analiz Qilish Merkizi, Kompyutér Merkizi We Sanaet Penliri Praktika Merkizi qatarliq 4 praktika merkizi bar.

Shinjang Uniwérsitétida Ijtimaiy Pen, Tebiiy Pen, Qanunshunasliq, Iqtisadshunasliq, Sanaet Penliri, Bashqurush Ilmi, Tarix, Pelsepe, Sen’et qatarliq pen türliri bar bolup, hazir 73 toluq kurs kespi, 64 magistérliq Ilmiy unwani bérish nuqtisi, 5 qurulush magistérliq unwani bérish sahesi, MPA (Ammiwiy bashqurush magistérliqi) kespiy unwani bérish nuqtisi hemde 8 xil kesp boyiche aliy mektep oqutquchiliri xizmette turup magistérliqta oqush ilmiy unwani bérish nuqtisi, 5 doktorluq unwani bérish nuqtisi, 3 postdoktorlar pen tetqiqat seyyare nuqtisi bar.

Hazir Shinjang Uniwérsitétida mexsus oqutquchiliq bilen shughullinidighan oqutquchilar 1179 neper, buning ichide proféssorlar 124 neper, dotséntlar 599 neper. Doktor aspirantlar yétekchi oqutquchisi 32 neper, magistér aspirantlar oqutquchisi 320 neper. Doktorluq Unwani bar oqutquchilar 76 neper, magistérliq unwani bar oqutquchilar 442 neper. Mekteptiki oqughuchilar 36000 din ashidu. Buning ichide toluq kurs oqughuchiliri 21000 neper, magistér aspirantlar 2000 neper, bashqa türdiki oqughuchilar 13000 din ashidu.

Shinjang Uniwérsitéti hazirghiche Amérika, Yaponiye, Rusiye, Fransiye, Qazaqistan, Kanada, Gérmaniye, Italiye, En’gliye, Awistraliye, Özbekistan, Monggholiye hemde Xongkong, Makau qatarliq 25 dölet we rayondiki 40 tin artuq aliy mektep we pen tetqiqat orunliri bilen ilim-pen almashturush, hemkarliq munasiwiti ornatti.

 ***

 

 

Shinjang Pédagogika Uniwérsitéti 

(melumat retliniwatidu)

 

***

 

 

Shinjang Maliye-Iqtisad Instituti 

 

Biliwal.com xewiri. Shinjang Maliye-Iqtisad Instituti pütün künlük tüzümdiki maliye-iqtisad bashqurush türidiki aliy mektep bolup, Shinjang Uyghur Aptonom Rayoni nuqtiliq tereqqiy qilduridighan aliy mekteplerning biri. Institut Ürümchi shehirining menzirisi güzel bolghan Béyjing yoligha jaylashqan. Jenubiy, Shimaliy rayoni we baghcha rayoni bolup omumiy yer kölimi 626 ming kuwadratmétir, kökertillish kölimi 410 ming kuwadratmétirdin ashidu.

 

Institutning esli gewdisi bolghan Shinjang Ölkilik Hökümet Kadirlar Mektipi 1950-yili qurulghan; 2000-yili eslidiki Shinjang Maliye-Iqtisad Instituti, Shinjang Igilik Bashqurush Kadirliri Instituti, Shinjang Maliye Mektipi, Shinjang Baj Ishliri Mektipi birleshtürülüp yéngi Shinjang Maliye Iqtisad Instituti bolup qurulghan. 1998-yili magistérliq unwani bérish salahiyitige érishken, 2001-yili MBA oqutush hoquqigha érishken. Kutupxanisida saqlanghan kitab 720 ming parche. Xenzu Tili Sewiye Sinash Imtihani (HSK) nuqtisi, IELTSning Ürümchidiki Imtihan nuqtisi mushu mektepte.

 

Institutta Iqtisadshunasliq, Bashqurush ilmi, Qanunshunasliq, Sanaet, Tebiiy pen, Ijtimaiy pen qatarliq 6 chong pen türidiki kespler tesis qilinghan bolup, buning ichidiki Pul muamile ilmi bilen Statistika ilmi Aptonom Rayonning nuqtiliq péni hésablinidu. Mektepte 11 adettiki magistérliq unwani bérish nuqtisi hemde 2 kespiy magistérliq unwani bérish nuqtisi (MBA, aliy mektep oqutquchiliri) bar. Toluq kurs kespliridin 20si, mexsus kurs kesliridin 21i tesis qilinghan

 

Oqutquchi-xizmetchiliri 1496 bolup, buning ichide kandidat aliydin yuqiri derijilik unwani bar oqutquchilar omumiy sanning 47%ini teshkil qilidu, magistérliqtin yuqiri oqush tarixigha ige oqutquchilar omumiy sanning 42%ini teshkil qilidu. Mektepte 10 nechche dölettin kelgen chet ellik oqughuchilar we chet ellik oqutquchilar bar.

 ***

 

 

Shinjang Qatnash Instituti

 

Shinjang Yénik Sanaet Instituti

 

Shinjang Maarip Instituti

 

Shinjang Sanaet Aliy Téxnikomi

 

Shinjang Ishchi-Xizmetchiler Uniwérsitéti

 

Shinjang Ilim-Pen Uchur Instituti

 

Shinjang Radio-Téléwiziye Uniwérsitéti

  

(yollighuchi A Chintash ependi)

 


Copyright ©  2010 Һәмраҗан - Амраќ All Rights Reserved.   

Используются технологии uCoz
Дополнение:
Надо еще материалы по:
* Синьцзянский университет — Xinjiang University
* Синьцзянский медицинский университет — Xinjiang Medical University
* Синьцзянский аграрный университет — Xinjiang Agricultural University
* Синьцзянский институт искусств — Xinjiang Arts Institute
* Синьцзянский университет экономики и финансов — Xinjiang University of Finance and Economics
* Шихэцзыский университет — Shihezi University